Saga Furu
Fyrirtækið, FURA media, var stofnað sumarið 2025. Fura var stofnuð í kringum umboðsmennsku fyrir áhrifavalda á samfélagsmiðlum en hefur þróast út í að vera leiðandi í áhrifavaldamarkaðssetningu á Íslandi.
Öll vörumerki hvort sem það eru einstaklingar, fyrirtæki, áhrifavaldar eða hlaðvörp hafa sögu að segja. Við viljum vinna með fólki sem vill skilja eitthvað eftir. Við trúum að samfélagsmiðlar séu lykilatriði í sýnileika allra vörumerkja þar sem sagan á bak við skiptir öllu máli.
Ekki hika við að senda okkur skilaboð á samfélagsmiðlum ef þú vilt vinna með okkur.
Kristjana
Hæ, ég heiti Kristjana Björk Barðdal og er stofnandi og framkvæmdastjóri Furu.
Að mennt er ég tölvunarfræðingur og verkfræðingur, en í grunninn er ég bara forvitin, ferköntuð en skapandi manneskja sem elskar fólk, samfélagsmiðla og skýrt skipulag. Ég hef starfað við stór samfélagsmiðlaverkefni, stýrt breytingum innan opinbera geirans, verið hakkaþonráðgjafi og – já – selt notaða ferðavagna.
Ég elska líka hlaðvörp, og á mér draum um að gera raddir fleiri kvenna aðgengilegar í íslensku hlaðvarpslandslagi. Ég elska skipulag – en á sama tíma er ég óstöðvandi þegar kemur að hugmyndavinnu, frumkvæði og að „láta hluti gerast“. Hvort sem það er í gegnum hlaðvarpið mitt sem kemur bráðum út, Gelluvinnustofa sem ég stofnaði eða í verkefnastjórnun á flóknum stafrænum umbreytingum – þá finn ég mig þar sem fólk og tækni mætast, þar sem kaos fær ramma og hlutirnir fara loksins að ganga upp.
Á góðum degi er ég með fimm Excel-skjöl opin í öllum regnbogans litum, 350 hluti á Todo listanum, með hlaðvarpsþátt í upptöku og að taka upp DIML fyrir TikTok.
Berglind
Berglind er viðskiptastjóri Furu og hóf störf árið 2025. Hún er með reynslu af markaðsmálum og áhrifavaldamarkaðssetningu með áherslur á samstörf áhrifavalda og vörumerkja, bæði frá hlið alþjóðlegra vörumerkja og umboðsskrifstofa í Bretlandi, Svíþjóð og Danmörku. Hún hefur meðal annars starfað hjá NA-KD og Vero Moda, þar sem hún leiddi stórar áhrifavaldaherferðir.
Sem viðskipastjóri Furu sér Berglind alfarið um viðskiptaþróun. Hún heldur bæði utan um samstörf og herferðir þar sem hún vinnur náið með áhrifavöldum bæði innan sem utan Furu.
Sendu henni línu á berglind@furamedia.is
Kalli
Kalli er förðunarfræðingur og listrænn stjórnandi sem hefur unnið í tísku- og efnisgerðarheiminum síðustu ár, bæði hérlendis og erlendis. Hann er með bakgrunn í grafískri hönnun og gott auga fyrir smáatriðum. Kalli þekkir vel til UGC (user generated content) efnis, sem er efni sem notendur vöru eða þjónustu búa til.
Hlutverk Kalla er að styrkja ferla innan Furu, með áherslu á UGC efnissköpun fyrir fyrirtæki. Hann leggur einnig áherslu á að sækja og stýra herferðum fyrir hönd Furu með fyrirtækjum og vörumerkjum þar sem UGC efni eða notendaefni (e. user generated content) er í forgrunni.
Sendu okkur línu ef þú ert með áhrifavalda- eða UGC verkefni í huga: fura@furamedia.is
Af hverju Fura?
Nafnið FURA kemur frá trénu fura sem mörg okkar tengja við haustið og aðventuna. Á þeim tíma fyllast stofur landsins af notlegheitum og einstaka furu og grenilykt. Furan þolir storma og kulda og stendur alltaf áfram, alveg eins og við Íslendingar.
FURA media varð til því mér fannst vanta fyrirtæki sem nær yfir allt spektrúmið – ekki bara veita faglegt umboð fyrir áhrifavalda, heldur aðstoðar líka einstaklinga, vörumerki og fyrirtæki að koma sér á framfæri og þar með segja sína sögu. Fura vill búa til samfélag þar sem við getum öll komið hugmyndum okkar á framfæri og í framkvæmd – með einlægni, heiðarleika og smá húmor að leiðarljósi. Því það verður að vera gaman - annars er svo leiðinlegt.
FURA er samfélag þar sem fólk fær útrás fyrir nördann í sér þegar kemur að sköpun þar sem samfélagsmiðlar spila stóran þátt, enda voru þeir upphaflega búnir til einmitt til þess að tengja fólk saman. Því öll viljum við bara tilheyra og hafa gaman.